بوابة إقليم أزيلال - شكون هو المجرم :الحلقة السابعة

5.00
الرئيسية | مواقف وأراء | شكون هو المجرم :الحلقة السابعة

شكون هو المجرم :الحلقة السابعة


شكون هو المجرم :الحلقة السابعة



[U]حل الحلقة السادسة : انظر التعليق الثاني في الحلقة السادسة[/U]

[U]الحلقة السابعة:[/U]

من كثرة الجرائم للي كاتوقع وكايكشفها ومن كثرة العصابات للي كايشتت ليها الشمل لا جودان ديال الجدارمية خدا يومين عطلة باش يرتاح شوية مشا بالطوموبيل ديالو لواحد بلاصة هادية فنواحي دار بوعزة داك النهار عام بالزاف فالبحر وجلس فالبانغالو حدا البحر كايتفرج بليجوميل فالموج والفلايك والزودياgات ديال الصيادة عجبو المنظر مزيان وسرخ بالخيال ديالو مع واحد الزودياg اخضر وبدا كايشوفو من كل جهة بانو ليه سبعة ديال لي pنو د سوكور مربوطين على الجناب قرب مزيان بليجوميل حتى قرا الحروف المكتوبة على الموتور كان كايضحك وكايقول ياربي تجيب لي شي زودياg بحال هذا نبقا نتسارا بيه فالبحر...دازت ساعة شاف زودياgات اخرين كاتدور بين الامواج.

عند العصر صاوب كاسكروط وبدا كيايكل وعلى غفلة وقف عليه الشاف ديال الجدارمية للي معاه فالسربيس وقالو بلي ضباط ديال الجدارمية عندهم خبار بشحنة ديال الكوكايين جاية من كولومبيا .ناض لاجودان يلبس الكسوة ديالو باش يمشي معاه ولكن الشاف قاليه:خليك ترتاح أمون أدجودان علحقاش البزناسة كايعرفوك مزيان وطلب لاجودان من الشاف باش يخبرو بالنثيجة.
كمل لاجودان الماكلة ديالو وخدا ليجوميل ديالو وبدا كايتفرج فالبحر والموج والزودياgات للي كاتجري يمين ويسار بان ليه الزودياg الاخضر كايدور بطريقة بهلوانية بين الامواج شاف مرة اخرى فلي pنو د سوكور للي مربوطين على جناب الزودياg حسبهم لقاهوم اربعطاش وسرح الخيال ديالو مرة اخرى مع الزودياg الاخضر وتمنى يكون عندو بحالو حط لي جوميل وبدا كايقرا فموسوعة علمية عن طباع البشر حتى رجع عندو الشاف المساعد شافيه وسولو على العملية وجاوبو الشاف :ديزولي مون ادجودان ميسون نون أكومبلي مالقاوش المخدرات وخا المعلومات كانت صحيحة مية فلمية

شاف لاجودان فالمgانة ديالو وضرب بيديه لبس الكسوة ديالو ومشا معا الشاف ركبو فالمركب ديال السربيس ومشاو بسرعة كبيرة ورا الزودياg الاخضر حتى قربو يضربوه وبالزربة طلع لاجودان والشاف السلاح ديالهوم فوجه البزاسة للي كانو ثلاثة بينهم واحد كايتكلم السبليونية وماخلاهومش يتحركو وخا كانو ثلاثة ديال الكلاشينكوفات حداهم جابو الزودياg حتى لللابلاج وملي قلبوه لقاو كمية كبيرة ديال الكوكايين ودارو لي مينوط للبزناسة

كيفاش عرف لاجودان بلي الكوكايين موجود فالزودياg الاخضر؟

محمد أمدغوس


عدد القراء : 1160 | قراء اليوم : 1

مجموع المشاهدات: 1160 |  مشاركة في:

الإشتراك في تعليقات نظام RSS التعليقات (4 منشور):

سعيد في 11/05/2011 19:30:16
avatar
اين حلول الحلقات السابقة ؟؟؟؟
وجب عليك مثلا ، وقبل طرح حلقةجديدة ، اعطاء الحل اللحلقة السابقة
حتى يتمكن القارىء متابعة حلقاتك .
وهو تشجيع له
اضن لا جدوى فى اعطاء الحل ، لأننا لا ننتظر الجواب عن الحلول تاسابقة
تحياتى
مقبول مرفوض
1
ع ا في 12/05/2011 21:23:23
avatar
بصح عطينا الاجوبةعلى المسابقلذات السابقة
مقبول مرفوض
0
المراسل : س في 15/05/2011 11:33:52
avatar
اين الحلول السابقة ؟
مقبول مرفوض
0
ب.نت في 18/05/2011 17:17:13
avatar
لا توجد خلول لكل الحلقات السالفة ، لهذا تراجع القراء ولم يعد اجد منا يستطيع الجواب على استلة المحقق
فما الفائدة ؟ ؟؟؟؟؟؟؟؟
مقبول مرفوض
0
المجموع: 4 | عرض: 1 - 4

أضف تعليقك

  • عريض
  • مائل
  • تحته خط
  • إقتباس

من فضلك أدخل الكود الذي تراه في الصورة:

Captcha
Powered by Vivvo CMS v4.7