- صفحات من الزجل العتابي.... (شلا فهامة) - شلا فهامة فيك يا طويل القامة يا لمجرد يارجلين النعامة شلا كلام ف خنشوشك يا لمعلم ف الضامة يا مروض لفهامة يا لي ماعندك عقل يا البوهالي ولد أمي شامة.. ملي تتكلم تولي كيف قاضي المحكمة تشرح وتفصل وتدير من لكدوب ملحمة ماتسكت ماتخلي الناس تعمهم السلامة يا الفاهم يا كبير الزوعامة .. مالك اشنو وقع فيك من دون الخدامة قويتي لهظور ودرتي ف الموقف قيامة بكلامك ولدتي العاكرة ريشتي لحمامة غير وحدك تخاصم وحدك تتحاما مافيك صواب مافيك نية ولا حشامة .. شلا كلام قويتيه :ولات فيك الزعامة يا البوهالي ولد أمي شامة..... - الزجال عبد الرحيم يونس..

- صفحات من الزجل العتابي.... (نعيش حياتي ) بغيت نغني وندندن ننشد للدنيا موال.. نعيش حياتي ونتبنن بالسعادة وراحة البال.. الفرحة تعوض لي لحزن نحقق ف ايامي امل.. ننسى الهم لي ساكن ف قلبي وزاد لي لهوال.. نتمتع بالحب نسكن نعمر دروب الجمال.. نزين حياتي بالفن بالوان الصفا والكمال.. نفتح قلبي ونحن عل الوقت لي غاب توضر وجال.. نرافك عشقي لمدوخ ونداوي جراح السؤال.. نخلي هبالي يفرخ يركب امواجو يغوص بين لحوال.. نتحزم بالسر وعليه نعسس نلبس قفطانو وبجلايلو نعرس.. نكمط هظوري ونشطب رحبة الهم نسكم الخطوة ونتفكد لكدم.. نفرش ظلي ونتغطا بالخيال نصبر ونكابر ولو نتالم.. نجري ونطلع عكبة ليام نكفض كمايمي نزير لحزام.. نفيق صوابي اكون باحوالي عالم. نشري لوقر ونتسلف لمحنة نتريس حماقي ونحلم نتهنا.. نمد يدي للخير ونسلم نسرح سوالفي يمشطهم زماني نكرط وجهي خيالي دواني.. قال لي شيطانك ابليس مكلظم قال لي نارك طفات ولي شعلها يسقط ف الافات.. اجي ف الحفرة يطيح عاود ثاني قال لي شلا مسايل شدني من عنقي وبدا يتفايل.. عاود لي خبيرة سوايعي الفايتة مس لي راسي وشاف فيا شوفات ..... - الزجال عبد الرحيم يونس.. 0672513154 akraoun@hotmail.fr

صفحات من الزجل العتابي....(انطباع) -اجتماع ورا اجتماع مالكم يا لجنة الاقناع درتو روينة لقيتو التيساع هجمتو عل العقول . اديتو الدنيا وخديتو لمتاع نسيتو حقوق دوك الجياع لي ماتو وسط سوء الاوضاع ماتو بسباب سياسة الترقاع وتقرسو بنياب دوك اللفاع . الى جيتي .ما كاين حتا دفاع الحلول .قربات تبدا ف الاقلاع قربات تقول .الوداع. ونبقاو كلنا ف الصراع خوف وافات ف كل البقاع كلام مؤكد بالاجماع وقعت عليه لجنة التكراع جوج بصمات بجوج صباع ما كاين خوف يا شجاع تفضل زيد هبط للقاع حاول تبعد الصداع وتخفف حر الفقر لي داع حاول تبني عشوش . زينها بكلام وانطباع رممها بقوة الدفاع يبقا الحق ف بلاصتو لماع تزول الجلالة من عين الدماع لي عايش طول حياتو طماع ف دقيقة. خبارو تفرتت وشاع وبانت صورتو جنب الضياع . ا ي ه ولا لهوا يتباع والحب ولا فيه الخداع الدنيا ولات رحبة للتصلاع سوق للدلالة .فيه العبرة بالصاع فيه الساخي لي بالنية رباع وفيه الغدار لي حرفتو قطاع فيه الخير والشر . وخيوط منسوجة بطماع ... الزجال ..عبد الرحيم يونس... 0672513154 akraoun@hotmail.fr

صفحات من الزجل العتابي: المسؤول. -مالك ميكتي يا مسؤول وخليتي المعانات تكبر مالك مابقا فيك المعقول ونيتك يوم على يوم تغبر مالك يا صاحبي مهبول كون مع خوتك وصبر ابتسم وخلي الباب محلول كون منفتح .باش كلشي فيك يشكر وياك تعكز يا المسؤول اولا تغيب بلعاني وتتوضر راك ف يدك الحلول غير خلي التنمية تستمر ياك ف خبارك .بلي المواطن مدلول مقهور يعاني طول العمر براكا من حلاوة اللسان .ولكلام المعسول براكا يا مسؤول ماتتجبر براكا ما تهظر وتقول غادي ندير غاد نقدر لا تخلي الضياع يجول واش بغيتي تصيفتنا للقبر .. سد فمك راه محلول حل عينيك وخرج تتمنضر شوف الشوارع يا كسول كلشي خارج عل النياب مكشر قول لي .واش باقي السبب عندك مجهول ايوا تسنا شي نهار غادي تنفجر ماعندك وقت وديما مشغول شوف فينا وسع الخاطر اعطينا من عندك مرسول باش المحبة بيناتنا تكبر بلا بيك الوضع مشلول نجر اوكان. الى باقي ما تنجر اعتق اعتق. من الخطر المنقول الاصابة ديال المجتمع ف الظهر قول خلاص انت يا البهلول كر وانطق اش باغي تقرر عاد باغي تطل لحساب المدخول عاد فقتي وجاي تتمخثر شوف الكاميلة وطل واش باقيين البلول عمر الكاس زيد عمر شحال من خيال اصبح مقتول شحال من مشروع مالو تبدر تودرت سوارت البيت المقفول اداهم الريح والحيط تقشر قالو خداهم الغول ودارهم عندو ف المجر خاد الحب والتبن وطمع ف السبول موحال واش عندو قلب بيه يشعر تعدا وكلا الحق المكفول قرقش عليه وبقا حداه مسمر واش هدا هو المسؤول داز وخلا الشارع مغبر ............. _الزجال .عبد الرحيم يونس .. 0672513154 akraoun@hotmail.fr

صفحات من الزجل العتابي: فين غاب الخيال- 2 يا خيالي كون مرايتي نشوف فيك راسي كون حكايتي نسمعك وقت نعاسي كون صورتي كون ظلي قنديلي ونبراسي كون سري ودوم كيف الما ف كاسي كون حبي كون صلاتي عشقي وانفاسي كون معايا ماشي مع وسواسي كون قصيدة نقراك كون موال نغنيك بكل انفاسي كون امل لحياتي وديني ف طريقك عرفني بيك يزيد حماسي كون بسمة وعيشني بين احضانك طلعني لبين اغصانك نبقا طول حياتي رواسي نقضي وقت جميل نتسارا ونجول مع راسي ديرني ف جنبك علقني ف عنقك خليني نتطلق جهد قياسي راني بغيت نكون معاك وحداك يا خيالي نويت نحفر ساسي ونبقا قريب من اهلي وناسي ................ ''الزجال ..عبد الرحيم يونس.. 0672513154 akraoun@hotmail.fr

صفحات من الزجل العتابي: رحبة المناحس. كلشي مداحس عل الطمع ف رحبة المناحس كلشي مقرع كلشي مكفس كلشي واكل ,مخ الضبع كحل الراس غادي مهوس حاسب راسو مبرع عقلو مصدي وبالو مسوس اما خاطرو مابقى فيه مايتجمع.. مابقت نية كلشي تفلس مابقى لمان تحفرت جدورو وتقلع مابقى خير فين تغمس ما بقت حيلة ف هاد الزمان تنفع فين لهنا لي كان فين خيالو لي داير الحس تهرست شقوفو وتزلع ممنوع تقيس ممنوع تمس قدام الهم والجوع لي تيقمع.. يا واقف اش داك تكلس كون على بال اتصنت ليا واسمع هذا زمان اخر زمان عامر نحس زمان الحيرة ما بقى فيه ما يتجمع طاح قنديلو وتهرس طفاتو ليام وتفركع بين عيشةالمحنة والشوك يقرس النفس مجروحة والقلب تقطع... طار فرخ الصحبة رفرف بجناحو طار علا ف سماه ما عرف منين جاتو ضربة كسرت ليه جناحو عمات ليه الشوف سكنات فيه الخوف خلاتو يتفتف وحلفات ماتطلق سراحو رماتو بين نياب الغلبة تما شداتو وما طلت عليه حتى فجر صباحو عادا لقاوه ف ديك الرحبة رحبة المناحس حتا حد ما سمع صياحو كان ناوي يتخبا خايف من فراشو خايف من دخول العتبة خايف لا يسمع حد نواحو خايف من البخور وسبوب الطلبة خايف لا يديو ليه سلاحو.. عيط يا التالف بين اوراقو يالي عيا من الكتبة وداق عليه مراحو عيط يا الحاظر للنكبة يالي عاش سنين من القهرة وشاف الفرسان حتا طاحو عيط غير عيط اوكان مابقت بلاصة فين تتخبا حتا من القلوب قساحو عيط وقول فين الحباب فين المحبة وفين الخوت لي راحو عيط وقول يا حسرة فتش ف الرحبة وتمهل فتش وجبد للسقيم راحتو وافراحو ................ ''الزجال --- أكثر

صفحات من الزجل العتابي: فين غاب الخيال '_فين غبتي يا خيالي بغيت نسولك سؤال مالك زدتي محاني بقيت نتسناك مزعوج البال ماحيرتي ليك ماحيرتي لزماني ماحيرتي لقلبي لي ساكناه لهوال علاش ياخيالي مالك غبرتي وغيابك طال مالك تلفتي وشحال قلبت عليك شحال سولت عليك الروح وسولت عليك الذات بقيت نبكي ونوح ميت بالغدات بقيت ف الركنة مليوح مدبوح بمناشر الاهات فين نصيبك ياخيالي الى كان مسموح نعرف خبارك وخبار فرحتك الى جات نفرش احلامك القديمة ونتوسد جلايل الغيمة لي طلاات نبني حيوطي بين طرقان الماضي وظلال الدكريات نتسناها تدوز نشوفها ومعاها نسرب كبات نشدو جميع خيوط الامل ونفرحو باللحظات نركبو سفينة الراحة ونجمعو عظام ايامنا لي رشات نبداو صفحة جديدة انا وياك يا خيالي نتمتعو بالحياة نطفيو جمرة الحزان ونشعلو قنديل يرشدنا للنجاة انور طريقنا اكون صديقنا حتى للمماة نسكنو دار المحبة ندخلوها بالعز ونرميو الخطوات نجريو وسط جنان فيه نبتت المعاني وبالسر تسقات..............تتبع _ الزجال ..عبد الرحيم يونس... 0672513154 akraoun@hotmail.fr

قبول التغيير اساس التقدم...... _نزولا عند رغبة الاخوان في جمعية اسمسيل للتنمية وتلبية لطلب السيد الكاتب العام للجمعية .كانت هده المساهمة الاعلانية والتوعوية ,حول تقليم ورعاية اشجار الزيتون ,الموجهة الى سكان اسمسيل وكل فلاحي المنطقة..... __في اطار الايام التكوينية باسمسيل..حول تقليم اشجار الزيتون.... (اعطي الرعاية للشجرة) _اسمع يا فلاح ....الى كنتي باغي النجاح ايوا اتصنت وافهم ...وتبع مسار الكفاح خدم واجتهد...وحوض للشجرة كل صباح اتكون واستفد ....تدي الافادة وترتاح .................... ............. اعطي الرعاية للشجرة....راه حبات الزيتون نقرة ايوا زبرهاو طهلا فيها ...الى بغيتي الظل والثمرة الى بغيتي تسوس ....وتعبر رزقك بالعبرة راه جاتك الفرصة ....بلا ما تهظر ولا تتبرا ................ ................ هدا زمان التغيير ...الى بغيتي تولي بخير اعرف كيفاش تتصرف...وسول تعرف ماتدير .... _اخي الفلاح في اسمسيل وفي كل مكان ,ان شجرة الزيتون كالانسان ,تشرب وتاكل وتتنفس وتتشمس من ورقها وجدورها اعطوها ما تحتاج لكي تعطيكم ما تحتاجون من الزيت .. ايوا اسمع يا فلاح ....واعطي الرعاية للشجرة.. _فكرة ..صالح بوبري ... ابداع..عبد الرحيم يونس ...

الشعر الامازيغي العتابي.........._رويشة انازور..... رويشة انازور انا ازدغن غ اولاون تالا غيفس طيط نكين امطاون الفن اراعات دين ايكا ايربوت ايكا وين الخير امدياز اغودان اعشق تمازيغت,ايرات اساول صارس اسن الثرات احسات املات اكويان يوسي اغنجا الي حسو اوال يولي س افلا ,افولكي بو اودم اعزان ايكاياغ الشرف ايسكر توبدا ايسوا زغ واسيف اصمضي اودماون يوسي اجديك ازلت ا الحباب مونكر انازورن نغ ايدا ايلاان نتا د السوسدي بدان غ يان الدور بنان اكودار ن الثقافة اعتان اوسين افولكي شرفن الشعب زرانت حضانت س امزري ن الفن اهيان رويشة امازيغ اكوجيل اصبار د السوسدي ن تكمي تومليلت اوس ن الغيوان ياربي رحمين تهيتاسن تيكمي ياربي دلين س الرحمت د ويدا ايدان تعاونت انازورن ن الشعب نغ اعزان.......... توقيع...الزجال العتابي ...عبد الرحيم يونس... 0672513154 تنميرت نون ازول فلااون

الكلمة الزجلية العتابية ....(زلازل الطغاة) بزلازل الطغاة تهدمت الدروب كثرت المعانات وقوات الحروب مشات الكرامة مابقت وبنادم مغلوب, كلشي دابا مخدوع والمنكر ولا مطلوب مابقت النية ولجساد منخورة بالعيوب, شعالة الافات لي حرقت التوب خلات الكنازة عريانة واش هاد المكتوب, فخامة الرئيس لي كان ديما محبوب وخا كشط الشعب ودار فيه شلا دنوب, هجر الجماهير تسطا واقيلا مكلوب تونس العظيمة لي تحلت ليها القلوب تجمعت الثورة لي ناداو ليها بالحاسوب, بفضل ''البوعزيزي''الشهيد رائد الكتوب تفتحت الابواب للفيسبوك واليوتوب '''''''' '''''''' هبت ريح التغيير تحيي الامل المفقود, نوضت العجاجة ف مصر الفنة بلسان الحشود لا للسكوت حتى تحقق الوعود ف ميدان التحرير تما تجمعت الوفود بروح التضامن والنية ف اليوم الموعود, طاحت القمة والهرم اتبنا بالجود ف الاخر ظهر الامل وبان للوجود من بعد تحولات الموجة لدروب النمرود من تما مشات لليمن رحبت الهدهود, طولت ف الصراع ناوية تسقط العنقود معارك الموت راسية ف كل الحدود, اموات وجرحى وفكل مدينة مفقود طارت حمامة ليبيا قتلوها بالبارود مات الفرح وشاب راسو وظاع المجهود, الطاغي لي فات قياسو كاينين الشهود القدافي قتلوه وفازو بيه الاسود كان حكمو عنصري عندو سياسة اليهود, يبغي يقتل ادمر هاد العالم الودود نهايتو نهاية كان وقتو معدود ف اللخر اركع واتحنا الدم واصل الخدود ف زنقة زنقة دار دار وبعنقو المشدود........... _ الزجال العتابي....عبد الرحيم يونس... akraoun@hotmail.fr 0672513154

اوال ازيضن س ايلس ن امازيغن-الحلقة الرابعة. -متا لوقتا... -اوا متا لوقتا,تاغول تحرا الدونيت اوراد تقيمي تزوضي ,تنديدر تاغ تيركيت كمضن اولاون ايركزن,تقاداياسن الشويت اموت هنكان ,ونا يوسين اخوب اسفيت يان اسودا ايتلي ,استوبع يات تيديت وياض اخوباس واضو ,اوا تكات تيكيت الكيس اكات الزمان ,اشبعاس تاغريت الي تيني مانزاكن ,فوكاتي كيغ الخضيت اوراد ايسول ما اطسان,تدا تقادا النيت... نعما ندا نوشكا ,تغراياغ تمزيت كوياس مكا ماسندا,نادج تزاليت نجا نوكر ايضان,س افتيكن د تكاليت نسكودي اوال ,د المعصيات اشن تيريت نتو اغاراس انا احلاان,الشك نمضيت مساغ تواتا الدونيت ,نكاد الباب المعصيت اديدو يان واس ,انيسان تيبضيت انيسان مانتكا ,نسول انزري لانكيط اداغ انين ويدا احضان ,تكام وان ميت نسول انزمم ايدا ننا ,نسارس السميت انسعالو اكودار انغ ,ناويد تيسليت ...... الزجال ....عبد الرحيم يونس....

الشعر الامازيغي العتابي : (الكارو بوتركيت) ماكياغن التكميت ماكياغن ايا اعريم الصاحت انك ماكيس تريت ماتراح توت اغجديم , هان كيين اوا تحليت كيين ايكان الزعيم كر .س الكارو بوتركيت ادا ك يودجان وان اوغانيم اكساك اوا تيفركيت اصداك وان اوكلزيم اوضاك اوضاك تكميت ادجاغ اوكان انقيم تميارت اكو د العافيت اكمض اوول اداع الظيم تعدمت اضو تقيميت الخاطر دارك اول اسكيم كي تكيت وان تكيويت اقيما اودم ابخين ..... تتبع الزجال العتابي عبد الرحيم يونس

الزجل العتابي...قصيدة (الحولي والجنوي) -عامرة الرحبة والثمن تيكوي الراجل تيقلب اينتا اشوي والحولي ساكت كاع ماتيدوي جاه خبار من عند الجنوي طاح طيحة اوضربو السيركوي بدا تيفكر واش يبقى او لا يخوي حرك كرونو وهز الهاتف الخلوي ماعرفت لمن بغى يدوي الو الو باع باع راني مكوي رد عليه الجدي(الو خويا.وي . قال ليه تصنت.الله يعطيك بومزوي راني فورطة يا المنوي كون عندي الوجه كاع ماندوي راني غاد نتدبح(اوندار قطبان ف المشوي وبالضبط نهار العيد يا الكرطيط العفوي قال ليه اوكان واش غير الجنوي مدليه عنقك .اديرو منك قديد او غاوي او يهزو بطانتك ف الزكاوي باش تتعلم كثرت (التبعبيع )والتناوي غضب منو وزاد كمل عليه بشي دعاوي قال ليه قيلني عليك اش بغيتي الخوا الخاوي راك حتى انت باقية نوبتك يا الدعاوي شي نهار غادي يتلمو عليك الجناوي وتصبح وليمة (للوكال )المحترف والهاوي رد عليه وقال (دابا راك داوي) انا وياك دوانا الجنوي ياكل لي بغى ياكل او يشوي لي بغى يشوي............ الزجال العتابي ....عبد الرحيم يونس .... عيدكم مبارك سعيد وكل عام وانتم بخير akraoun@hotmail.fr

الكلمة الزجلية العتابية ...-الباب المطرق-- هداك غير باب,والباب مطرق لاش تبعتوني ,وانا غير احمق قلتوا ليا ,انا عدوكم والعدو ,موحال واش تيشفق, غير جربوا ,ولو مرة ,نكون خوكم نرمي خطوتي ,نجي عندكم, بلا مانزلق اعطيوني امل,نحل الطريق نولي لظلكم صديق نعشقكم ,اومعاكم مانتفرق, العين شافت فيكم نظرة والنظرة الخايبة ,هي لي تشوف بلا تعشق هي لي تخون عاهد الصحبة هي لي ترافق ,كلام الكدوب المزوق, ,,,,,,,,,,,,,,,,,,,,,,,,,,,,, ياك كنت عبيد,نسمع الكلمة ونطوع كنت ناكل الشياطة ,رقيوق مسلوت بالجوع, كنت نلبس شراوط باليين كنت نطيق ,فكلامكم مخدوع, كنت شماتة ,واحسن مني قانوع,,, بردعتوني كي المكثار ركبتوا عليا ,حسبتوني غدار ماشفتوا حالتي ,ماقلتوا علاش ,مامسحتوا لي دموع, ما طليتو عل الباب المسدود مشيتوا عاجبكم حالكم,غروكم القدود درتوا حلقة,او فيها رجعتوني نمرود بعتوا فيا وشريتو اش ربحتو ,واش اديتو جريتوا حتا عييتو,ولقيتوالباب مسدود, غير تسكمو اوكان,او سيرو كود راه النية ,بيها تحطت الحدود بيها اتبنا لمان,اوبيها تفكت القيود,,,,,,,,,,, -الزجال العتابي....عبد الرحيم يونس,, قريبا جديد ,الشعر الامازيغي العتابي,,في حلته الجديدة,

" اوال ازيضن .س ايلس ن امازيغن" الحلقة الثالثة: اقيما كيكي الصومال اقيما كيكي الصومال.عتانت كيس تساسين. اوراد اوفين مادنبضن.ربان الهم انغايين. كار الموت اسفضان.س وامان ايدا اولوفين . اوراد اوفين ماسعتقن.اغولن غير المطين. مرضن ويدا اشيبن.موتن ويدا ايمزين. خلان امومن امشومن.قيمانت كيكي توتمين. اونفن اماون ايزان.توتين تمارا تعزلين. والو كيسن انفوس.غير ابنغر اعمايين. تعيالت التلي.التسارا ف تودماوين. ياك اتاف ماستعتق .نتات اولا تيرباتين. ياك اتاف ما تقن .غ اضارن نس اوكلين. اربا ايدا اتدون.اول اميق ياف العوين. ايلس اقور ازوياسن.اغروم رانت اولتوفين. فغند ازغران اوفقير.الكيس تكلاابن السين. اقور هنكان ياموم.افضاتيدلااز مسكين. اشيباس اخف ايتلي.ات عمانتاس تالين. ماني اسفار مانيت.اني متيدي تاوين. مناصا ن الشعب ايتمتات.اودجانت اولااس ديوين. ياربي فوكت اوا.اعتق الصومال كيين. ايك التاويل اي العالم.ياربي فوك تنباضين.......... توقيع الزجال ..عبد الرحيم يونس. 0672513154 akraoun@hotmail.fr

زجليات اعتابية: طلة الخيال طليت من الباب لقيت برا فيها جواب لقيت كاس فيه جغمة من عداب لي شربها اراجع الحساب. سديت عيني وانا متكي على حيط .من سحاب صور منقوش خيالو من تراب بناوه الخوت .حصنوه الحباب.. بغيت نتكلم بغيت نقول نقرقب الناب خايف يعكرني لساني ويضربني زماني .من الجناب. خايف من الغاشي وانا وحيد وسط الدياب حشمان من راسي هربان. صمكني نبيح الكلاب. مشيت ف طريقي .والقلب داب وجهي غطيتو او درت ليه نقاب ماعندي ثقة ف خوتي ماعندي زهر ف الصحاب . لبست خيالي .او تبعت الريح داتني الموجة .والفرح غاب ........ الزجال .عبد الرحيم يونس ...

مجرد كلمة...(رحلة الى اميزار) قطنوا الجبال.وسكنوا ظلال الذكريات سكان اميزار.اخيار يستحقون الحياة ظروفهم صعبة.واملهم عالق بين ايدي الطغات يعانون من ندرة المياه.وجدناهم بالمئات اطفال ونساء.رجال بالحمير قطعوا المسافات كلهم ينتظرون الفرج.ويطلبون النجاة واقع منسي .وسكان عاشوا بالمعجزات ان لم نجد حلا .سنجدهم دات يوم رفات اين حقوق هؤلاء؟.اين نصيبهم من الامكانيات؟ نداءنا لكل من يحمل في قلبه احساسا .لاصحاب المسؤوليات نداءنا لاجل هؤلاء.وكلنا ضد الانفلات مسالك وعرة.واحجار مرمية في الطرقات مدارس مهدمة .والعناكب نسجت بيوتها فوق الطاولات امهات تائهات ضائعات.واطفال حفاة تلاميد لا يتكلمون العربية.ولا يتقنون اللغات منازل بين الصخور.ورجال احتفظوا بالقيم والعادات سكان اميزار احرار .سيجتازوا كل المعضلات ندعوهم للتحدي.ندعوهم للنضال حتى الممات اقولها الف الف مرة .(فالاشباح )هم سبب المشكلات هم من غابوا بدون مبرر.وتركوا المواطن مسمم الذات هم من قلبوا الامور.وانصرفوا بدون اي انضباط..... توقيع...عبد الرحيم يونس...

زجليات اعتابية...............(اش هاد الهبال)2 اش هاد الهبال.. الكنوس.ضربوا لينا الفال ولينا نشوطو ف الكبال. على غدايد داك المحتال لي خلا الحمل اثقال اش هاد الهبال.. واش .هاد الهبال.. ''الخوت''كيدونا كي البغال سجنونا .اورضونا عزال بغاواسكتونا.نوقفوا النضال. موحال. واش اقدوموحال حيث حنا اظراف.واولاد الحلال حنا شجعان .ماشي اندال نقدونا اوكان.مدوالحبال جبدونا يا ناس .من قاع الاهمال. او طفيوالشعالة.لي شدت ف الجلال الى بغيتو تلقاو .الجواب للسؤال ونحطو جميع الخطوة.ف طريق الابطال.. ....... الزجال ..عبد الرحيم يونس.. .....

زجليات اعتابية: (اش هاد الهبال) اش هاد الهبال.. لا عيشة زينة .ولا راحة البال اش هاد الهبال.. ملينا من هاد الحال ملينا وفقدنا الامل اش هاد الهبال.. ولينا عايشين ف الموحال تفلست الوقت .مابقا مااتقال اش هاد الهبال.. الزمان ولا قتال القلب تفقس.سكناتو الهوال الدنيا كسبوها مالين المال المسكين نشف ريقو.يبس ودبال همو زاد تجبد وطوال. اش هاد الهبال.. مال الخيوط تخبلت تخبال الله يرحم من قال المسؤول ولا ركال مايقدي حاجة .مايشوف احوال اش هاد الهبال.. المواطن صبرو طال لا من اسول عليه .لا من اسال طاحت عليه الرعضة .وجاه الزلزال مشا حقو تفرق واتكال اداوه بالسيف.اخداوه الغوال......... الزجال عبد الرحيم يونس..

زجليات اعتابية......(مال الدرويش) مال الدرويش.منتوف الريش مالو سلخوه.شبعوه طريش لقيتو مسكين .تعلمو فيه النيش عماو ليه العين.وخداو حقوقو ف العيش.. مال المسكين .قولي واش ماعندو حق فين مامشا .القا الباب مطرق تفقس ف حياتو .والقلب اترطق طاح ف حفرة الضياع.وتفلق تزلعو شقوفو .وتكفح زهرو المعلق داب كيف الشمعة .سالو دمعاتو وتقلق عاشر الخطية.ماشرا ماباع.ماتسوق كيف ادير.الى تحرك مزاجو وعشق كيف ادير .الى توحش فرحو المزوق رما خطواتو وزاد.ف طريقو ينطق قال نمشي .مابقا مااتلبق باراكاخلاص.لا من احن ولامن يعتق ركب حمارو .يجري بيه ويشهق عض عضة ف لسانو.حلف ما اطلق هيجو زمانو عياه.واصبح معوق واك واك يا عبادالله.واش كاين شي حق مال الكية قوات.والمعانات بدات تحرق.......... الزجال عبد الرحيم يونس..