جديد الزجل العتابي - دموع التيهان

وليت مخلوع.مكبل بالخوف.
مالقيت حيلة.فحياتي تايه ملهوف.
خايف. نبكي بدموع
مكوي بالجمرة.مهموم بالي مخطوف.
كنت نطيق.واليوم راني مخدوع
محروق من قلبي.ومن جوفي منتوف.
مهلوك.ومحاني واعرة صعيبة
نبكي ونقول.لي بغى يشوف يشوف.
موذر فالدنيا.والعيشة قدامي غريبة
عضيت لهوال.شديت الصدمة بلكفوف.
لي بغى يهظر.يحقق فالشوفة
يشوفني .وانا مدبوح.
مكبل فالدربالة ملفوف.
يجبدني .ملي كنت مليوح
ينقدني من همي.واحزان قلبي المكروف.
يمسح دمي.تهنى ذاتي يبرا الجوف.
ينسيني مافات.من كيات ومحنة
يضحكني نجول.وسط افراحي ونطوف.
مالقيت لهنى.طريقي عامرة شوك
قلبي حزين معدب.زهري مفكوك.
رماتني امواج الحيرة.كدمتني لحزان
حرقوني الناس.بجمار الهضرة ولهتوف.
تلفوني ..واعماوا عيوني
قالوا هذاك. غير حلوف.
طلعوا لي القردة.فيقوا جنوني
دبحوني من عنقي .بمناشر وسيوف

عبد الرحيم يونس
akraoun@hotmail.fr