ازيلال أون لاين صوت الأغلبية الصامتة
كل شهر مهرجان و المنكر زاد كثر : كل يوم تسمع أحزان و الحشيش أنتشر
فين حقوق الانسان بغى يعيش و يستقر: الزمان مافيه امان الشباب بغى يهاجر
كلشي بغا يصبح فنان : أكلشي بغا يغني و يسهر
لا كلمات لا ألحان : ألي تعرى يتشهر
الشعب مع المحان : ألي ما عجب حال ينتحر
لا سماحة يا العديان : ياك أخرها هو القبر
شحال غتعيش يا فلان : في الاخر غيتحد لعمر
مازال يبان البرهان : حيت هذا ماشي مكتاب أقدر
قال ربي الرحمان : الا شفتي المنكر هدر
كلشي في القرأن : قول الحق بالجهر
باقي بنادم بلا عنوان : وفي الشبر كلشي يحفر
لا ما لا ظو لا طرقان : شحال قد الفقير ما يصبر
شي عايش فرحان : ألباقي تعزل أتحكر
لا حياة لا عيشة لا سكن : بحال الشتى بحال الحر
سعدات لي في موازين : شد المال قبل ما يحدر
و لي جا يتفرج حنين : أكلشي تخلط أبغى يضهر
نسينا طريق الله أ الدين : باركا نقطة نرجع للسطر
