الرئيسية » بريد القراء » ياعباد الله يهديكم الله

ياعباد الله يهديكم الله


–ياعباد الله يهديكم الله

الرزق بين اديك…..حارب الجهل وكابر
ولا تقول الرزق ديالي وتخفيه….وتبان قدام الناس بحال البوهالي تسعى في الدوار
والكرش الكبيرة ماتقنع بالبركة…لو حملت شلى قناطر

ولي عايش في الدنيا …..يطلب الستر وربي ديما معاه
شحال من واحد كيف كان ……وفين راه
حصاد الملهوف …….الريح داه
مايصدق على العباد ……ولي خلقو ورزقو ميترجاه

الحب لزرعتي …جاه الجراد وكلاه
تبعوا وحلق في السما…….راه فين راه
المزلوط هيشم ويلم……….. هذا مصير يلقاه
وسخ الدنيا مسكين عماه

ديما يدو في جيبو كلخليلة معاشراه
هذا من صحاب التبدير ……الخمر والزنى هواه
نسى دينو وفسخ جلدو…….وعشق بلاد الغرب وتمناه

وناس اخرى صابرة وشاقة طريق في الحلال …تمارة قدامو كتسناه
يحملو عليه الصخر …….على خبيزة قوت وعشاه
سعدات انسى الدنيا …..ويكون مغروم بحب مولاه
ولدزتي في الدنيا تلقاه
الخاطر مايكون هاني قدام مولاه

لا كان في قلبو خديعة لخوه يتمناه
الانسان المسلم مايكون حاقد…يخلي شانو مرفوع قدام الله
وملاك الموت يبشرو بالخير… وجنة الحق تتمناه

مروان عابيد/افورار


اضف رد

لن يتم نشر البريد الإلكتروني . الحقول المطلوبة مشار لها بـ *

*